गैंडाकोट — श्री जयश्री सामुदायिक वन उपभोक्ता समूह गैडाकोटको आयोजनामा वृक्षारोपण कार्यक्रम सफलतापूर्वक सम्पन्न भएको छ।

वन संरक्षण तथा वातावरणीय सन्तुलन कायम गर्ने उद्देश्यले आयोजित उक्त कार्यक्रममा उपभोक्ता सदस्यहरू, जनप्रतिनिधि, विद्यार्थी तथा स्थानीयवासीहरूको उत्साहजनक सहभागिता रहेको थियो। कार्यक्रममा साल, सिसौ, कपुर, अमला लगायतका विभिन्न जातका विरुवा रोपण गरिएको समूहले जनाएको छ।

कार्यक्रममा बोल्ने वक्ताहरूले जलवायु परिवर्तनको असर न्यूनिकरण गर्न वृक्षारोपण प्रभावकारी उपाय भएको उल्लेख गर्दै प्रत्येक वर्ष नियमित रूपमा यस्ता कार्यक्रम सञ्चालन गर्ने प्रतिबद्धता व्यक्त गरेका थिए।

समूहले वन क्षेत्रको संरक्षण, हरियाली प्रवर्द्धन तथा भावी पुस्ताका लागि स्वच्छ वातावरण निर्माण गर्ने लक्ष्यसहित वृक्षारोपण कार्यक्रमलाई निरन्तरता दिने जनाएको छ।